ខាន់ ជេមស៍ បានលើកឡើងថា លោកមិនភ្លេចគុណបំណាច់ផលិតកម្ម Rock ឡើយ ត្បិតអីប្រជាប្រិយរបស់លោកដែលមានរហូតមកដល់បច្ចុប្បន្ន គឺផ្ដើមចេញមកពីផលិតកម្មRock ប៉ុន្តែការធ្វើអ្វី ក៏ទៅតាមច្បាប់ដែរ មិនអាចចេញទៅទាំងទទឹងទិសបានឡើយ។
តាមគោលការណ៍ផលិតកម្ម Rock នឹងកៀរគរប្រមូលតារាចម្រៀងចាស់ៗ ដែលមានសក្ដានុពលរបស់ខ្លួនមកវិញ ជាមួយគ្នានោះ ក៏មានការជ្រើសរើសតារាចម្រៀងថ្មីៗទាំងជាតិ និងអន្តរជាតិជាច្រើនទៀត ដើម្បីវាយលុកទីផ្សារ Original Song ដោយថ្មីៗនេះ ផលិតកម្ម ថែមទាំងបានចុះកុងត្រាជាមួយក្រុម SOD របស់កូរ៉េ៣នាក់បន្ថែមទៀត។ នេះបើតាមការលើកឡើងរបស់លោក Raindy នាយកទីផ្សារ។
ជុំវិញការប្រកាន់គោលការណ៍ផលិតតែ Original Song លោកខាន់ ជេមស៍ បានគាំទ្រជាខ្លាំង ហើយលោកមានក្ដីសង្ឃឹមថា ផលិតកម្មនឹងធ្វើបានដោយជោគជ័យ ស្របពេលដែលយុវវ័យបច្ចុប្បន្ន ងាកមកគាំទ្រ Original Song កាន់តែខ្លាំង៕
